គណៈគ្រប់គ្រងជាន់ខ្ពស់

លោក ម៉ៅ ប៉ូឡូ បានចូលបំរើការនៅគ្រឹះស្ថានមីក្រូហិរញ្ញវត្ថុ លី ហួរ ភីអ៊ិលស៊ី តួនាទីជា អគ្គនាយករង និងជានាយកប្រតិបត្តិហានិភ័យ ចាប់តាំងពីឆ្នាំ២០១២។ លោកគឺជានិស្សិតអាហារូបករណ៍ដែល បានបញ្ចប់ថ្នាក់បរិញ្ញាប័ត្រផ្នែកគណនេយ្យ និងហិរញ្ញវត្ថុ ក្នុងឆ្នាំ១៩៩៩ ពីសាកលវិទ្យាល័យជាតិគ្រប់គ្រង។ នៅឆ្នាំ២០០៤ លោកបានបញ្ចប់ការសិក្សាថ្នាក់បរិញ្ញាប័ត្រជាន់ខ្ពស់ ផ្នែកគ្រប់គ្រងទូទៅ ពីសាកល វិទ្យាល័យប្រេសស្តុន នៅសហរដ្ឋអាមេរិក (ជាមហាវិទ្យាល័យពាណិជ្ជ សាស្ត្រ និងគ្រប់គ្រងរដ្ឋបាល) ដែលទទួលស្គាល់ដោយរដ្ឋ Wyoming សហរដ្ឋអាមេរិច។ លោកក៏ជា Chartered Banker ដែលបានផ្តល់ការទទួលស្គាល់ដោយវិទ្យាស្ថាន Chartered Banker Institution (CBI) នៅចក្រភពអង់គ្លេស។ 

លោកមានបទពិសោធន៍ជាង ២៥ឆ្នាំ ក្នុងការគ្រប់គ្រងរដ្ឋបាល គណនេយ្យ ហិរញ្ញវត្ថុ ធនធានមនុស្ស ការផ្លាស់ប្តូរឌីជីថលនិងព័ត៌មានវិទ្យា ការផ្តល់ឥណទានបុគ្គល/ពាណិជ្ជកម្ម និងការគ្រប់គ្រងផលប័ត្រឥណទាន ទាំងនៅក្នុងអង្គការអន្តរជាតិធំៗ និង គ្រឹះស្ថានធនាគារ ដូចជាធនាគារ ANZ Royal ជាដើម។

ក្នុងអាជីពការងារជាមួយធនាគារ ANZ Royal លោកធ្លាប់ធ្វើជាប្រធានគ្រប់គ្រងហានិភ័យឥណទាន ដែលមានសិទ្ធិ  អនុម័តសំណើឥណទានរបស់អតិថិជនក្នុងមួយនាក់រហូតដល់ទៅ ទឹកប្រាក់ ២លាន ដុល្លារអាមេរិក មុនពេលដែលគាត់ត្រូវបានតំឡើងឋានៈជា នាយកឥណទានបុគ្គល ដែលគ្រប់គ្រងឥណទានគេហដ្ឋាន និងឥណទានអាជីវកម្មខ្នាតតូច-មធ្យមរបស់ធនាគារទាំងមូលក្នុងប្រទេសកម្ពុជា។
 

លោក ម៉ី ប៉ូលីន គឺជាថ្នាក់ដឹកនាំជាន់ខ្ពស់ក្នុងវិស័យធនាគារដែលមានបទពិសោធន៍យ៉ាងទូលំទូលាយនៅក្នុងប្រទេសកម្ពុជា រួមមាននៅធនាគារ ANZ Royal (Cambodia) Limited និងធនាគារ ABA។ លោកមានជំនាញដ៏ស៊ីជម្រៅ និងការអនុវត្តផ្ទាល់លើផ្នែកលក់ ទីផ្សារ ការអភិវឌ្ឍអាជីវកម្ម ឥណទាន សេវាកម្មអតិថិជន និងការអភិវឌ្ឍផលិតផល។ មុនពេលចាកចេញទៅបន្តគម្រោងនៅក្រៅប្រទេស លោកធ្លាប់បានកាន់តំណែងជាថ្នាក់ដឹកនាំប្រតិបត្តិសំខាន់ៗជាច្រើននៅធនាគារ ABA។

ក្នុងនាមជា នាយកប្រតិបត្តិ ប្រតិបត្តិការ នៃធនាគារ អេស ប៊ី អាយ (ខេមបូឌា) ម.ក លោកទទួលបន្ទុកមើលការខុសត្រូវលើអាជីវកម្មស្នូលរបស់ធនាគារ រួមមាន សេវាធនាគារបុគ្គល សេវាធនាគារពាណិជ្ជ សេវាធនាគារអាទិភាព ផ្នែកទីផ្សារ ព្រមទាំងការអភិវឌ្ឍផលិតផល និងនីតិវិធីការងារ។

ស្មារតីដឹកនាំរបស់លោកត្រូវបានគាំទ្រដោយជោគជ័យយ៉ាងត្រចះត្រចង់ក្នុងការរៀបចំផែនការយុទ្ធសាស្ត្រ ការគ្រប់គ្រងអង្គភាព និងការអភិវឌ្ឍប្រតិបត្តិការ ដែលជម្រុញឱ្យមានកំណើនប្រាក់ចំណេញ បង្កើនប្រសិទ្ធភាពការងារ និងការអនុវត្តប្រកបដោយវិន័យខ្ពស់។

លោក ប៉ូលីន ទទួលបានសញ្ញាបត្រអនុបណ្ឌិតផ្នែកពាណិជ្ជកម្មពីសាកលវិទ្យាល័យ Charles Sturt (ទទួលបានពានរង្វាន់ Executive Dean Award) ព្រមទាំងមានសញ្ញាបត្រវិជ្ជាជីវៈសំខាន់ៗជាច្រើនទៀតដែលលោកទទួលបានក្នុងអំឡុងពេលស្ថិតក្នុងវិស័យនេះ។

លោក ប៉ូលីន គឺជាថ្នាក់ដឹកនាំដែលបញ្ចូលគ្នានូវជំនាញវិភាគយ៉ាងមុតស្រួច ជាមួយនឹងការសម្រេចចិត្តបែបអនុវត្តជាក់ស្តែង ដើម្បីជម្រុញឱ្យសម្រេចបាននូវលទ្ធផលការងារដ៏ល្អប្រសើរ និងឧត្តមភាពនៃប្រតិបត្តិការធនាគារជានិរន្តរ៍។

លោក នី បូរ៉ាត ធ្លាប់ជាសវនករនៅក្នុងក្រុមហ៊ុន KPMG ក្នុងប្រទេសកម្ពុជា និងមានបទពិសោធន៍សវនកម្មក្នុងវិស័យធនាគារ គ្រឹះស្ថានហិរញ្ញវត្ថុ និងវិស័យផ្សេងៗទៀតអស់រយះពេល១៣ឆ្នាំ ដែលក្នុងនោះលោកធ្លាប់បានបម្រើការងារជាសនវករនៅក្រុមហ៊ុន KPMG ដែលមានការិល័យនាទីក្រុង Los Angeles សហរដ្ឋអាមេរិករយះពេល ១,​៥ ឆ្នាំ ផងដែរ ។ ក្នុងកំឡុងពេលបម្រើការងារជាសវនករនៅក្រុមហ៊ុន លោកក៍មានតួនាទីជាអ្នកប្រឹក្សាយោបល់សម្រាប់គម្រោងIFRS  វាយតម្លៃការគ្រប់គ្រងផ្ទៃក្នុង កំណត់ម៉ូឌែលហានិភ័យឥណទាន វិភាគស្ថានការណ៍ហិរញ្ញវត្ថុសម្រាប់ការរួមបញ្ចូលក្រុមហ៊ុន​ និងសម្រាប់ក្រុមហ៊ុនដែរចង់បោះផ្សាយមូលប័ត្រ។

លោកក៏បានបម្រើការក្នុងតួនាទីជារថ្នាក់ដឹកនាំជាន់ខ្ពស់ ដោយទទួលខុសត្រូវយ៉ាងចម្បងក្នុងទំនាក់ទំនងអតិថិជន រៀបចំយុទ្ធសាស្ត្រអាជីវកម្ម គ្រប់គ្រងផែនការថវិការ និងវិភាគលើរបាយការណ៍ហិរញ្ញវត្ថុសម្រាប់ថ្នាក់ដឹកនាំជាន់ខ្ពស់​ និងក្រុមប្រឹក្សាភិបាល ។

បើក្រឡេកទៅមើលកម្រិតវប្បធម៌លោកផ្ទាល់ លោកបានបញ្ចប់បរិញាប័ត្រជំនាញ គ្រប់គ្រងអាជីវកម្ម នៅសកលវិទ្យាល័យបៀលប្រាយ។ លោកក៍ទទួលបានសញ្ញាប័ត្រជំនាញ Investment Foundation ពីវីទ្យាស្ថានCFA នៅក្នុងខែកញ្ញា ឆ្នាំ២០២១ ។​ បន្ថែមទៀតនោះ លោកក៏ជាសមាជិកនៃ Fellow Member of the Association of Chartered Certified Accountants (ACCA), UK។ បច្ចុប្បន្នលោកកំពុងបន្តការសិក្សាជំនាញ Chartered Banker ក្នុងកម្រិតបញ្ចប់ទី៣ នៅវិទ្យាស្ថាន Chartered Banker (ហៅកាត់ថា”CB”) និង វិទ្យាស្ថាន Asian Institute of Chartered Banker (ហៅកាត់ថា “AICB”) ៕

លោក ទាង ស្រេង ជានាយកប្រតិបត្តិធនធានមនុស្សនៃធនាគារ អេស ប៊ី​​ អាយ (ខេមបូឌា) ម.ក។  លោកមានបទពិសោធន៍ជាង ២៥ ឆ្នាំក្នុងវិស័យផ្សេងគ្នាៗ ជាពិសេសនៅក្នុងស្ថាប័នធនាគារ និងហិរញ្ញវត្ថុ។ លោកធ្វើការជាដៃគូយុទ្ធសាស្ត្រ និងធុរកិច្ចផ្នែកធនធានមនុស្ស ព្រមទាំងមានតួនាទីនៅក្នុងសមាជិកគណៈកម្មាធិការប្រតិបត្តិជាង១៦​ឆ្នាំរួមមាននៅស្ថាប័ន មីក្រូហិរិញ្ញវត្ថុ និងធនាគារ។ 

លោកមានជំនាញក្នុងការបណ្តុះបណ្តាល និងអភិវឌ្ឍន៍ យុទ្ធសាស្ត្រធនធានមនុស្ស ប្រព័ន្ធគ្រប់គ្រងធនធានមនុស្ស និងប្រព័ន្ធគ្រប់គ្រងការសិក្សា។ 

លោក ទាង ស្រេង  បានបញ្ចប់បរិញ្ញាបត្រជាន់ខ្ពស់ផ្នែកគ្រប់គ្រងពាណិជ្ជកម្ម    ក្នុងជំនាញគ្រប់គ្រងទូទៅពីសាកលវិទ្យាល័យបៀល
ប្រាយបរិញ្ញាបត្រគ្រប់គ្រងពាណិជ្ជកម្មក្នុងជំនាញទីផ្សារពីសកលវិទ្យាល័យជាតិគ្រប់គ្រង  និងបរិញ្ញាបត្រផ្នែកអប់រំក្នុងជំនាញបង្រៀន  និង
បណ្តុះបណ្តាលពីវិទ្យាស្ថានភាសាបរទេសផ្នែកភាសាអង់គ្លេស។  លោកបានទទួលវិញ្ញាបនប័ត្រជំនាញធនធានមនុស្ស​ពីស្ថាប័ន HRCI ហើយលោកក៏បានចូលរួមវគ្គបណ្តុះបណ្តាលធនធានមនុស្ស  និង  ការអនុវត្តយុទ្ធសាស្ត្រ  ពីសាលា Harvard Business School ការគ្រប់គ្រងមីក្រូហិរញ្ញវត្ថុពី Boulder និងវគ្គបណ្តុះបណ្តាលជំនាញខ្លីៗ និងឯកទេសផ្សេងៗ ទាំងសាលាបណ្តុះបណ្តាលវិជ្ជាជីវៈក្នុងស្រុក និងអន្តរជាតិ។

លោក វ៉ា លួងសុរិន បានចូលបំរើការក្នុងធនាគារ អេស ប៊ី អាយ លី​ ហួរ ជានាយកប្រតិបតិ្តព័ត៌មានវិទ្យា ជាមួយបទពិសោធន៍ក្នុងការដឹកនាំជាច្រើនដូចជា ផ្នែកព័ត៌មានវិទ្យា ផ្នែកបរិវត្តកម្មឌីជីថល និង ផ្នែកបច្ចេកវិទ្យាធនាគារ។ មុនពេលចូលបម្រើការងារជាមួយធនាគារ អេស ប៊ី អាយ លី​ ហួរ លោកជានាយកប្រតិបតិ្តព័ត៌មានវិទ្យា និងជានាយកប្រតិបតិ្តផ្នែកសន្តិសុខព័ត៌មាន នៅធនាគារពាណិជ្ជដ៏ធំបំផុតមួយក្នុងប្រទេសកម្ពុជា ដែលលោកជាអ្នកដឹកនាំ និងជាប្រធានប្រឹក្សាភិបាលផ្នែកយុទ្ធសាស្ត្រព័ត៌មានវិទ្យា ផ្នែកគណៈកម្មាធិការព័ត៌មានវិទ្យា ផ្នែកឌីជីថល និងជាសមាជិកគណៈកម្មាធិការប្រតិបត្តិ និងគណៈកម្មាធិការគ្រប់គ្រងហានិភ័យអស់រយៈពេលជាងមួយទសវត្សរ៍។

លោក សុរិន ទទួលបានបរិញ្ញាបត្រជាន់ខ្ពស់ផ្នែកវិទ្យាសាស្ត្រព័ត៌មានវិទ្យា និងបានចូលរួមក្នុងកម្មវិធីបណ្តុះបណ្តាលផ្សេងៗទាំងក្នុងប្រទេស និងក្រៅប្រទេស ដែលជួយបង្កើនជំនាញរបស់លោកបន្ថែមទៀតក្នុងការគ្រប់គ្រងព័ត៌មានវិទ្យា ការគ្រប់គ្រងគម្រោងព័ត៌មានវិទ្យា សន្តិសុខតាមអ៊ីនធឺណិត ផែនការបន្តអាជីវកម្ម ការរួមបញ្ចូលបច្ចេកវិទ្យាហិរញ្ញវត្ថុ និងដំណោះស្រាយធនាគារឌីជីថល។

លោក ទ្រី វិសាល មានបទពិសោធន៍ការងារជាង ១៣ឆ្នាំ ក្នុងវិស័យធនាគារពាណិជ្ជ រួមមាន សវនកម្មផ្ទៃក្នុង ប្រតិបត្តិតាម និងការគ្រប់គ្រងហានិភ័យ។

លោកបានបញ្ចប់ថ្នាក់ បរិញ្ញាបត្រជាន់ខ្ពស់ ផ្នែកគណនេយ្យ និងហិរញ្ញវត្ថុ ពីសាកលវិទ្យាល័យ La Trobe ប្រទេសអូស្រ្តាលីបរិញ្ញាបត្រផ្នែកហិរញ្ញវត្ថុ និងធនាគារ ពីសាកលវិទ្យាល័យជាតិគ្រប់គ្រង និងបរិញ្ញាបត្រវិទ្យាសាស្ត្រកំព្យូទ័រ ពីសាកលវិទ្យាល័យភូមិន្ទភ្នំពេញ។

លោកក៏ទទួលបាន នូវសញ្ញាបត្រជំនាញសំខាន់ៗ រួមមាន ផ្នែកគ្រប់គ្រងហានិភ័យ (Certified Expert in Risk Management) ពីសាលា Frankfurt School of Finance and Management ប្រទេសអាល្លឺម៉ង់, ផ្នែកប្រឆាំងការសម្អាតប្រាក់ (Advanced Certification in AML) ពី International Compliance Association (ICA) ចក្រភពអង់គ្លេស, និង ផ្នែកប្រតិបត្តិតាមពីវិទ្យាស្ថាន ធនាគារនិងហិរញ្ញវត្ថុ (IBF) នៅកម្ពុជា។

លោក ហេង តិចគង់ ទទួលបន្ទុកជានាយកប្រតិបត្តិស្តីទីសវនកម្មផ្ទៃក្នុង នៃ ធនាគារ អេស ប៊ី អាយ (ខេមបូឌា) ម.ក។ លោកមានភារកិច្ចដឹកនាំសកម្មភាពសវនកម្មផ្ទៃក្នុង វាយតម្លៃលើភាពសមស្រប និងប្រសិទ្ធភាពនៃអភិបាលកិច្ចរបស់ធនាគារ ការគ្រប់គ្រងហានិភ័យ ប្រព័ន្ធត្រួតពិនិត្យផ្ទៃក្នុង និងធានាការអនុលោមតាមលក្ខខណ្ឌតម្រូវនៃច្បាប់បទប្បញ្ញត្តិជាធរមាន។

លោកមានបទពិសោធន៍ការងារជាង ១៥ឆ្នាំ លើផ្នែកសវនកម្ម ការធានា និងការគ្រប់គ្រងហិរញ្ញវត្ថុ ដែលទទួលបានតាមរយៈតួនាទីនៅក្នុងក្រុមហ៊ុនសវនកម្មអន្តរជាតិ និងទីភ្នាក់ងារអភិវឌ្ឍន៍អន្តរជាតិរបស់រដ្ឋាភិបាលសហព័ន្ធសហរដ្ឋអាមេរិក។ បទពិសោធន៍របស់លោករួមមានការដឹកនាំសវនកម្មផ្អែកលើហានិភ័យ (Risk-based audits) ការត្រួតពិនិត្យការអនុលោមភាព ការធ្វើសវនកម្មលើប្រតិបត្តិការ និងការផ្តល់សេវាប្រឹក្សាយោបល់ ដើម្បីគាំទ្រដល់អភិបាលកិច្ចហិរញ្ញវត្ថុ និងប្រតិបត្តិការឱ្យកាន់តែរឹងមាំ។

លោក ហេង តិចគង់ គឺជាគណនេយ្យករជំនាញ (CPA) និងជាសមាជិកជាន់ខ្ពស់នៃសមាគមគណនេយ្យករជំនាញអន្តរជាតិ (FCCA) ព្រមទាំងទទួលបានសញ្ញាបត្រអនុបណ្ឌិតផ្នែកគណនេយ្យ និងហិរញ្ញវត្ថុផងដែរ។