Author: PRUM Puthearath

រាជធានីភ្នំពេញ - ឧសភា ឆ្នាំ២០២៥ – ធនាគារ អេស ប៊ី អាយ លី ហួរ ដែលជាធនាគារមានភាពច្នៃប្រឌិត និងគួរឱ្យទុកចិត្តដើម្បីភាពរីកចម្រើន ថ្មីៗនេះបានប្រកាសពីគំនិតផ្តួចផ្តើមការងារសង្គមដ៏សំខាន់របស់ខ្លួន៖ ការផ្តល់រនាំងសុវត្ថិភាពចរាចរណ៍ចល័តចំនួន២០០ ដល់សាលារៀនចំនួន ១០០ នៅទូទាំងប្រទេស។ ការផ្តល់ជូននេះក្នុងគោលបំណងជួយនឹងជួយពញ្ញាក់ស្មារតីដល់ប្រជាពលរដ្ឋគ្រប់រូបឱ្យមានការអធ្យាស្រ័យក្នុងការបើកបរនៅលើដងផ្លូវ និងយល់ដឹងអំពីហានិភ័យនៃគ្រោះថ្នាក់ចរាចរណ៍ ដែលបណ្ដាលមកពីការធ្វេសប្រហែស និងការមិនគោរពច្បាប់ដូចជា៖ បើកបរហួសល្បឿនកំណត់ មិនគោរពសិទ្ធិអាទិភាព ការបត់ ឬ ជែងទាំងប្រថុយប្រថាន ជាដើម។ ទាំងនេះបង្ហាញច្បាស់ថា ធនាគារ អេស ប៊ី អាយ លី ហួរ បានយកចិត្តទុកដាក់គិតគូរពីសុខទុក្ខរបស់ប្រជាពលរដ្ឋ និងរួមចំណែកជាមួយរាជរដ្ឋាភិបាល ដើម្បីជួយបង្ការគ្រោះថ្នាក់ចរាចរណ៍នៅប្រទេសកម្ពុជាបានមួយផ្នែក។ សាលារៀនទាំង ១០០​នេះ ទទួលបានរនាំងសុវត្ថិភាពចរាចរណ៍ចល័តចំនួន២ ក្នុងមួយសាលា។ រនាំងសុវត្ថិភាពចរាចរណ៍ចល័តទាំងនេះ ត្រូវបានផ្តល់ជូនជាពិសេសដើម្បីជួយសាលារៀនក្នុងសម្របសម្រួលចរាចរណ៍ប្រកបដោយប្រសិទ្ធភាព ធានាសុវត្ថិភាពសិស្សានុសិស្សទាំងអស់ នៅពេលពួកគេចេញចូលបរិវេណសាលារៀន។ គំនិតផ្តួចផ្តើមនេះ អាចរួមចំណែកដោះស្រាយដោយផ្ទាល់ដ៏សំខាន់សម្រាប់ការការពារកុំឱ្យមានគ្រោះថ្នាក់ចរាចរណ៍ផ្សេងៗ ដែលអាចកើតឡើងក្នុងម៉ោងមមាញឹករបស់សាលា។ លោក ជា ផល្លារិន អគ្គនាយក ធនាគារ អេស [...]

ការជូនដំណឹងអំពីការឆរបោក អតិថិជនទាំងអស់ជាទីគោរព! សូមជម្រាបជូនអតិថិជនឱ្យបានជ្រាបថា យើងខ្ញុំមិនមានបុគ្គលិកក្នុង ការទំនាក់ទំនងទៅអតិថិជនអំពីការបង់កម្ចីយឺតយ៉ាវ ដោយតម្រូវឱ្យ បង់ប្រាក់ភ្លាមៗ តាមរយៈគណនីបុគ្គលិកផ្ទាល់នោះទេ។ ប្រសិនបើអតិថិជនទទួលបានការទាក់ទងក្នុងនាមជាបុគ្គលិកធនាគារ ដោយមានការស្នើសុំដូចបានជម្រាបជូនខាងលើគឺជាករណីឆបោកពី ជនក្លែងបន្លំ ជាបុគ្គលិកធនាគារតែប៉ុណ្ណោះ។ ដូចដែលបានជម្រាបជូនខាងលើ ដើម្បីជៀសវាងការក្លែងបន្លំពីជនខិលខូច ទាំងនោះ សូមអតិថិជនធ្វើការរាយការណ៍ភ្លាមៗមកកាន់ធនាគារតាមរយៈ ប្រធានសាខាផ្ទាល់ ឬលេខទូរសព្ទ៖ (+855)23 980 888 / 093 671 111៕

យើងខ្ញុំមានសេចក្តីសោមនស្សរីករាយសូមជម្រាបជូនដំណឹងដល់អតិថិជនជាទីគោរពទាំងអស់ឱ្យបានជ្រាបថា ធនាគារ អេស ប៊ី អាយ លី ហួរ សាខា ស្រុកស្នួល បានបើកដំណើរការហើយសម្រាប់បម្រើ សេវាកម្មជូនអតិថិជន។ លោកអ្នកអាចស្វែងរកសេវាហិរញ្ញវត្ថុដ៏សម្បូរបែបរបស់យើងខ្ញុំនៅទីតាំងខាងលើតាមរយៈតំណរនេះ៖ https://maps.app.goo.gl/JFtpMo19oWpgM6Ra9 ។ សាខានេះក៏មានទីតាំងធំទូលាយសម្រាប់ចតយានយន្តដែលបង្កលក្ខណៈងាយស្រួលបន្ថែមទៀតដល់លោកអ្នកក្នុងការអញ្ជើញមកប្រើប្រាស់សេវាកម្មយើងខ្ញុំ។

ការជូនដំណឹងស្ដីពីការបើកគណនីប្រាក់រៀលដោយស្វ័យប្រវត្តិ   អតិថិជនជាទីគោរព! ធនាគារយើងខ្ញុំចង់ដឹងអំពីមតិយោបល់របស់អតិថិជន! តាមរយៈការជូនដំណឹងនាពេលកន្លងមកអំពីការបើកគណនីប្រាក់រៀល ដោយស្វ័យប្រវត្តិជូនអតិថិជនដែលពុំទាន់មានគណនីប្រាក់រៀល សម្រាប់ជម្រុញ និងលើកកម្ពស់ការប្រើប្រាស់ប្រាក់រៀល  ធនាគារយើងខ្ញុំមានសេចក្តីសោមនស្សរីករាយសូមជម្រាបជូនជាដំណឹងដល់អតិថិជនអំពី គណនីប្រាក់រៀលត្រូវបានបង្កើតរួចរាល់នៅថ្ងៃទី១០ ខែឧសភា ឆ្នាំ២០២៥ ដោយពុំតម្រូវឱ្យអតិថិជនបំពេញលក្ខខណ្ឌបន្ថែមផ្សេងទៀតឡើយ។ ធនាគារយើងខ្ញុំ ស្នើសុំមតិយោបល់របស់អតិថិជន អំពីការបើកគណនីប្រាក់រៀលស្វ័យប្រវត្តនេះ​ ប្រសិនបើមាន៖ ចម្ងល់អំពីគណនីប្រាក់រៀល? ទទួលនូវយោបល់ និងមតិកែលម្អផ្សេង ដើម្បីជម្រុញឱ្យធនាគារយើងខ្ញុំអាចផ្ដល់នូវសេវាកម្មយ៉ាងល្អប្រសើរជូនអតិថិជន? អត្ថ​ប្រយោជន៍​បន្ថែមសម្រាប់អតិថិជន? ធនាគារយើងខ្ញុំនៅទីនេះដើម្បីបម្រើសេវាកម្មជូនអតិថិជន ២៤ម៉ោង/៧ថ្ងៃ! សូមទំនាក់ទំនងផ្នែកសេវាកម្មអតិថិជនតាមរយៈទូរសព្ទលេខ ០២៣ ៩៨០ ៨៨៨/០៩៣ ៦៧១ ១១១ ឬផ្ញើសារមកកាន់បណ្តាញផ្លូវការរបស់ធនាគារយើងខ្ញុំគ្រប់ពេលវេលា។​ មតិយោបល់របស់អតិថិជន ពិតជាមានសារៈសំខាន់ចំពោះធនាគារយើងខ្ញុំ! សូមចូលរួមជាមួយធនាគារយើងខ្ញុំ ដើម្បីឱ្យសេវាកម្មធនាគារកាន់តែមានភាពងាយស្រួល ទូលំទូលាយ និងកាន់តែល្អប្រសើរ ។

ធនាគារ អេស ប៊ី អាយ លី ហួរ ម.ក និង ក្រុមហ៊ុន វិរៈ ប៊ុន ថាំ អេចប្រេស ខូអិលធីឌី នៅថ្ងៃនេះ បានប្រកាសពីការចុះហត្ថលេខាលើអនុស្សរណៈ នៃការយោគយល់គ្នា ស្តីពីភាពជាដៃគូយុទ្ធសាស្ត្រ ដើម្បីផ្តល់នូវ ដំណោះស្រាយកម្ចីទិញផ្ទះដ៏ទូលំទូលាយដល់អតិថិជន សម្រាប់ គម្រោងដ៏ល្បីល្បាញ រ៉ូយាល់ ប៊ិច រីសត & រេស៊ីដេន ក្រោមអធិបតីភាព របស់ លោក ជា ផល្លារិន អគ្គនាយកនៃធនាគារ អេស ប៊ី អាយ លី ហួរ និង ឯកឧត្តម អ្នកឧកញ៉ា សួរ វីរៈ អគ្គនាយកក្រុមហ៊ុន វិរៈប៊ុនថាំ អេចប្រេស ព្រមទាំងវត្តមានគណៈគ្រប់គ្រងជាច្រើនរូបទៀត នៅការិយាល័យធនាគារ អេស ប៊ី អាយ លី ហួរ សាខាឬស្សីកែវ។ ភាពជាដៃគូជាយុទ្ធសាស្ត្រនេះ [...]

សេចក្តីជូនដំណឹង ស្តីពី ការលើកកម្ពស់ការប្រើប្រាស់រូបិយប័ណ្ណខ្មែររៀល តាមរយៈកម្មវិធីធនាគារចល័ត អេស ប៊ី អាយ លី ហួរ អតិថិជនជាទីគោរព! ដើម្បីលើកកម្ពស់ការប្រើប្រាស់រូបិយប័ណ្ណខ្មែររៀល យើងខ្ញុំមានសេចក្តីសោមនស្សរីករាយ និងសូមជម្រាបជូនអតិថិជនទាំងអស់ឱ្យបានជ្រាបថា ធនាគារ អេស ប៊ី អាយ លី ហួរ ម.ក នឹងធ្វើការបើកគណនីប្រាក់រៀលថ្មីដោយស្វ័យប្រវត្តិជូនអតិថិជនដែលមិនទាន់មានគណនីប្រាក់រៀល នៅ ថ្ងៃ២៥ ខែមេសា ឆ្នាំ២០២៥។ កម្រៃសេវាផ្សេងៗនឹងត្រូវបានលើកលែងសម្រាប់គណនីប្រាក់រៀលថ្មីដែលត្រូវបានបង្កើតដោយស្វ័យប្រវត្តិនេះ។ សម្រាប់ព័ត៌មានបន្ថែម សូមទំនាក់ទំនងមកកាន់ផ្នែកសេវាកម្មអតិថិជនតាមរយៈទូរសព្ទលេខ ០២៣ ៩៨០ ៨៨៨ ឬ ០៩៣ ៦៧១ ១១១។ សូមអរគុណសម្រាប់ការប្រើប្រាស់សេវាធនាគារយើងខ្ញុំ!

ធនាគារ អេស ប៊ី អាយ លី ហួរ បានរៀបចំកម្មវិធី “សង្ក្រាន្ត ធនាគារ អេស ប៊ី អាយ លី ហួរ” នៅថ្ងៃសោរ៍ ទី០៥ ខែមេសា ឆ្នាំ២០២៥ ដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរនៅទូទាំងប្រទេស ដោយគ្រប់សាខាទាំងអស់បានរៀបចំជាចង្ហាន់ ទេយ្យទាន និងបច្ច័យកសាងសម្រាប់ប្រគេនដល់ព្រះសង្ឃ ដែលគង់នៅតាមវត្តអារាម ជាមួយកម្មវិធីលេងល្បែងប្រជាប្រិយខ្មែរជាច្រើន។ ឆ្លៀតនៅក្នុងឱកាសនេះផងដែរ ធនាគារ អេស ប៊ី អាយ លី ហួរ សូមគោរពជូនពរ អតិថិជន និងបងប្អូនប្រជាពលរដ្ឋទាំងអស់ ឱ្យជួបតែសេចក្តីសុខ ចម្រុងចម្រើន និងពុទ្ធិពរបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លៀតឡើយ។

រាជធានីភ្នំពេញ - ថ្ងៃទី២១ ខែមីនា​ ឆ្នាំ២០២៥ - ធនាគារ អេស ប៊ី អាយ លី ហួរ បានប្រកាសនៅថ្ងៃនេះ នូវសមិទ្ធផលដ៏សំខាន់ក្នុងការបន្តកំណើន និងការប្តេជ្ញាចិត្តរបស់ខ្លួនក្នុងការបម្រើអតិថិជន និងសាធារណជននៅព្រះរាជាណាចក្រកម្ពុជា។ ក្នុងឆ្នាំ ២០២០ ធនាគារបានចាប់ផ្តើមជាគ្រឹះស្ថានហិរញ្ញវត្ថុដ៏រឹងមាំជាមួយនឹងទ្រព្យសកម្ម ២៤៣.៨ លានដុល្លារអាមេរិក ឥណទាន ១៩៦.៩ លានដុល្លារអាមេរិក និងប្រាក់បញ្ញើ ១១៨.៧ លានដុល្លារអាមេរិក។ គ្រឹះស្ថានមីក្រូហិរញ្ញវត្ថុ លី ហួរ ក៏ទទួលបានអាជ្ញាបណ្ណជាធនាគារពាណិជ្ជពីធនាគារជាតិនៃកម្ពុជា ហើយបានពង្រីកសាខា ៤៥ ទូទាំងប្រទេស និងបុគ្គលិកបម្រើការ ១.១៥៧ នាក់ និងផ្តល់សេវាហិរញ្ញវត្ថុដល់អតិថិជនជាង៣៣ពាន់នាក់។ លើសពីនេះ ធនាគារបានកែលម្អសាខា និងដាក់ដំណើរការម៉ាស៊ីនដកប្រាក់ និងដាក់ប្រាក់ដោយស្វ័យប្រវត្ត (ATM/CRM) នៅទូទាំងប្រទេស ព្រមទាំងដាក់ឱ្យដំណើរការសេវាផ្ទេរប្រាក់ និងសេវាភតិសន្យាផងដែរ។ ក្នុងឆ្នាំ ២០២១ ធនាគារបានជំរុញឌីជីថលតូបនីយកម្ម ដោយដាក់ឱ្យដំណើរការធនាគារចល័ត និងបន្ថែមការទូទាត់ QR លើធនាគារចល័ត។ ឆ្នាំ ២០២២ [...]

នៅថ្ងៃទី១៩ ខែកុម្ភៈ ឆ្នាំ២០២៥ ធនាគារជាតិនៃកម្ពុជា និង ធនាគារ អេស ប៊ី អាយ លី ហួរ បានរៀបចំកិច្ចប្រជុំពិភាក្សា ស្តីពី បរិយាបន្នហិរញ្ញវត្ថុ និងការលើកកម្ពស់ប្រាក់រៀល​ នៅការិយាល័យកណ្តាលរបស់ធនាគារ អេស ប៊ី អាយ លី ហួរ ម.ក.។ កិច្ចប្រជុំនេះបានធ្វើឡើងក្រោមអធិបតីភាពរបស់ ឯកឧត្តម យឹម លាត ទេសាភិបាលរង ធនាគារជាតិនៃកម្ពុជា និង គណៈគ្រប់គ្រងជាន់ខ្ពស់របស់ ធនាគារ អេស ប៊ី អាយ លី ហួរ។ កិច្ចប្រជុំបានផ្តោតលើការពិភាក្សា ស្វែងយល់បន្ថែមនៃការអនុវត្តរបស់ធនាគារ លើការងារបរិយាបន្នហិរញ្ញវត្ថុ និងការលើកកម្ពស់ការប្រើប្រាស់ប្រាក់រៀល ដើម្បីជំរុញការអនុវត្តការងារប្រកបដោយគុណភាព និងប្រសិទ្ធភាព។ គួររំលឹកផងដែរថា ធនាគារ អេស ប៊ី អាយ លី ហួរ ផ្តល់ជូនអត្រាការប្រាក់ខ្ពស់ ៣%ក្នុងមួយឆ្នាំ សម្រាប់ការបើកគណនីសន្សំជាប្រាក់រៀល នៅ តាមការិយាល័យសាខាធនាគារទូទាំងប្រទេស ដែលនៅជិតលោកអ្នកបំផុត។