NEWS

“ឥឡូវនេះ អតិថិជនអាចទទួលបានប្រាក់ផ្ទេរដោយឥតគិតថ្លៃតាមរយៈ MoneyGram នៅពេលមកទទួលប្រាក់នៅតាមគ្រប់សាខា ធនាគារ អេស ប៊ី អាយ លី ហួរ ទូទាំងប្រទេស។ លើសពីនេះ អតិថិជនក៏អាចផ្ញើប្រាក់ឆ្លងប្រទេសក្នុងតម្លៃសមរម្យទៅកាន់ប្រទេស និងដែនដីជាង ២០០ នៅទូទាំងពិភពលោក។” រាជធានីភ្នំពេញ កម្ពុជា – ថ្ងៃទី២ ខែកក្កដា ឆ្នាំ២០២៥ – ធនាគារ អេស ប៊ី អាយ លី ហួរ ម.ក. មានសេចក្តីសោមនស្សរីករាយក្នុងការប្រកាសពីភាពជាដៃគូជាមួយ MoneyGram ដែលជាបណ្តាញទូទាត់ប្រាក់ជាសកលឈានមុខគេ។ កិច្ចសហការនេះនឹងជួយបង្កើនជម្រើសនៃការផ្ទេរប្រាក់សម្រាប់អតិថិជនទូទាំងព្រះរាជាណាចក្រកម្ពុជា ដោយផ្តល់នូវមធ្យោបាយដែលមានសុវត្ថិភាព រហ័ស និងងាយស្រួលក្នុងការផ្ញើ និង ទទួលប្រាក់ ពីមនុស្សជាទីស្រលាញ់ និងដៃគូអាជីវកម្មនៅទូទាំងពិភពលោក ។​ សេវាផ្ទេរប្រាក់ MoneyGram មានផ្តល់ជូននៅតាមសាខាទាំង ៥១កន្លែង របស់ធនាគារ អេស ប៊ី អាយ លី ហួរ       ទូទាំង២៥ រាជធានី និងខេត្ត [...]

សេចក្តីជូនដំណឹង អតិថិជនទាំងអស់ជាទីគោរព! ធនាគារ អេស ប៊ី អាយ លី ហួរ ម.កសូមជម្រាបជូនដំណឹងដល់អតិថិជន និងសាធារណជនមេត្តាជ្រាបថាធនាគារនឹងធ្វើការកែលម្អទៅលើប្រព័ន្ធធនាគារឱ្យកាន់តែប្រសើរ ចាប់ពី ម៉ោង១០:០០នាទីយប់ ថ្ងៃទី២០ ខែមិថុនា ឆ្នាំ២០២៥រហូតដល់ ម៉ោង០៧:០០នាទីព្រឹក ថ្ងៃទី២១ ខែមិថុនា ឆ្នាំ២០២៥។ ដូចនេះរាល់ប្រតិបត្តិការរបស់លោកអ្នកក្នុងអំឡុងពេលនេះនឹងអាចជួបប្រទះភាពរអាក់រអួលជាបន្តបន្ទាប់នៃប្រព័ន្ធសេវាធនាគារដែលរួមមាន សេវា អេធីអឹម/ស៊ីឌីអឹម ធនាគារចល័ត និងសេវាបណ្ណរបស់ធនាគារ។ ប្រសិនបើលោកអ្នកមានចម្ងល់ ឬត្រូវការជំនួយ សូមទាក់ទងមកកាន់ផ្នែកបម្រើសេវាអតិថិជនតាមរយៈ បណ្តាញទំនាក់ទំនងសង្គម ហ្វេសប៊ុក តេឡេក្រាមនិងប្រព័ន្ធទូរសព្ទលេខ 023 980 888 / 093 671 111 លើ២៤ម៉ោងក្នុងមួយថ្ងៃ និង៧ថ្ងៃក្នុងមួយសប្តាហ៍។ សូមអរគុណចំពោះការគាំទ្រនិងប្រើប្រាស់សេវាហិរញ្ញវត្ថុរបស់ ធនាគារ អេស ប៊ី អាយ លី ហួរ ម.ក!

សូមថ្លែងអំណរគុណយ៉ាងជ្រាលជ្រៅដល់វីរជនទាំងអស់ដែលបានចូលរួមបរិច្ចាគឈាមនៅមជ្ឈមណ្ឌលជាតិផ្គល់ឈាម (NBTC) កាលពីថ្ងៃសៅរ៍ ទី១៤ ខែមិថុនា ឆ្នាំ២០២៥ កន្លងទៅនេះ! យើងបានប្រារព្ធទិវាពិភពលោកនៃអ្នកបរិច្ចាគឈាម ក្រោមប្រធានបទ "ផ្តល់ឈាម ផ្តល់ក្តីសង្ឃឹម" ដែលយើងទាំងអស់គ្នាពិតជាបានបំពេញបេសកកម្មនេះបានយ៉ាងល្អប្រសើ។ ការចូលរួមចំណែករបស់លោកអ្នកគឺពិតជាមានន័យណាស់សម្រាប់អ្នកគ្រប់គ្នា និងពិតជាបានជួយសង្គ្រោះអាយុជីវិតដោយផ្ទាល់។

សេចក្តីជូនដំណឹង អំពីការផ្លាស់ប្តូរទីតាំង សាខាស្រុកគិរីវង់! លោកអ្នកអាចស្វែងរកសេវាហិរញ្ញវត្ថុដ៏សម្បូរបែបរបស់យើងខ្ញុំនៅទីតាំងថ្មីតាមរយៈតំណរនេះ៖ https://maps.app.goo.gl/LDKU3FmrKkBgPzi98 ។ សាខាថ្មីនេះក៏មានទីតាំងធំទូលាយសម្រាប់ចតយានយន្តដែលបង្កលក្ខណៈងាយស្រួលបន្ថែមទៀតដល់លោកអ្នកក្នុងការអញ្ជើញមកប្រើប្រាស់សេវាកម្មយើងខ្ញុំ។

រាជធានីភ្នំពេញ - ឧសភា ឆ្នាំ២០២៥ – ធនាគារ អេស ប៊ី អាយ លី ហួរ ដែលជាធនាគារមានភាពច្នៃប្រឌិត និងគួរឱ្យទុកចិត្តដើម្បីភាពរីកចម្រើន ថ្មីៗនេះបានប្រកាសពីគំនិតផ្តួចផ្តើមការងារសង្គមដ៏សំខាន់របស់ខ្លួន៖ ការផ្តល់រនាំងសុវត្ថិភាពចរាចរណ៍ចល័តចំនួន២០០ ដល់សាលារៀនចំនួន ១០០ នៅទូទាំងប្រទេស។ ការផ្តល់ជូននេះក្នុងគោលបំណងជួយនឹងជួយពញ្ញាក់ស្មារតីដល់ប្រជាពលរដ្ឋគ្រប់រូបឱ្យមានការអធ្យាស្រ័យក្នុងការបើកបរនៅលើដងផ្លូវ និងយល់ដឹងអំពីហានិភ័យនៃគ្រោះថ្នាក់ចរាចរណ៍ ដែលបណ្ដាលមកពីការធ្វេសប្រហែស និងការមិនគោរពច្បាប់ដូចជា៖ បើកបរហួសល្បឿនកំណត់ មិនគោរពសិទ្ធិអាទិភាព ការបត់ ឬ ជែងទាំងប្រថុយប្រថាន ជាដើម។ ទាំងនេះបង្ហាញច្បាស់ថា ធនាគារ អេស ប៊ី អាយ លី ហួរ បានយកចិត្តទុកដាក់គិតគូរពីសុខទុក្ខរបស់ប្រជាពលរដ្ឋ និងរួមចំណែកជាមួយរាជរដ្ឋាភិបាល ដើម្បីជួយបង្ការគ្រោះថ្នាក់ចរាចរណ៍នៅប្រទេសកម្ពុជាបានមួយផ្នែក។ សាលារៀនទាំង ១០០​នេះ ទទួលបានរនាំងសុវត្ថិភាពចរាចរណ៍ចល័តចំនួន២ ក្នុងមួយសាលា។ រនាំងសុវត្ថិភាពចរាចរណ៍ចល័តទាំងនេះ ត្រូវបានផ្តល់ជូនជាពិសេសដើម្បីជួយសាលារៀនក្នុងសម្របសម្រួលចរាចរណ៍ប្រកបដោយប្រសិទ្ធភាព ធានាសុវត្ថិភាពសិស្សានុសិស្សទាំងអស់ នៅពេលពួកគេចេញចូលបរិវេណសាលារៀន។ គំនិតផ្តួចផ្តើមនេះ អាចរួមចំណែកដោះស្រាយដោយផ្ទាល់ដ៏សំខាន់សម្រាប់ការការពារកុំឱ្យមានគ្រោះថ្នាក់ចរាចរណ៍ផ្សេងៗ ដែលអាចកើតឡើងក្នុងម៉ោងមមាញឹករបស់សាលា។ លោក ជា ផល្លារិន អគ្គនាយក ធនាគារ អេស [...]

ការជូនដំណឹងអំពីការឆរបោក អតិថិជនទាំងអស់ជាទីគោរព! សូមជម្រាបជូនអតិថិជនឱ្យបានជ្រាបថា យើងខ្ញុំមិនមានបុគ្គលិកក្នុង ការទំនាក់ទំនងទៅអតិថិជនអំពីការបង់កម្ចីយឺតយ៉ាវ ដោយតម្រូវឱ្យ បង់ប្រាក់ភ្លាមៗ តាមរយៈគណនីបុគ្គលិកផ្ទាល់នោះទេ។ ប្រសិនបើអតិថិជនទទួលបានការទាក់ទងក្នុងនាមជាបុគ្គលិកធនាគារ ដោយមានការស្នើសុំដូចបានជម្រាបជូនខាងលើគឺជាករណីឆបោកពី ជនក្លែងបន្លំ ជាបុគ្គលិកធនាគារតែប៉ុណ្ណោះ។ ដូចដែលបានជម្រាបជូនខាងលើ ដើម្បីជៀសវាងការក្លែងបន្លំពីជនខិលខូច ទាំងនោះ សូមអតិថិជនធ្វើការរាយការណ៍ភ្លាមៗមកកាន់ធនាគារតាមរយៈ ប្រធានសាខាផ្ទាល់ ឬលេខទូរសព្ទ៖ (+855)23 980 888 / 093 671 111៕