Yearly Archives: 2024

ធនាគារ អេស ប៊ី អាយ លី ហួរ បានដាក់សម្ពោធឲ្យប្រើប្រាស់ជាផ្លូវការ នូវបណ្ណ​វី​សា​ពហុ​រូបិយប័ណ្ណ​ដំបូង​គេ និងមានតែមានមួយគត់នៅក្នុង ព្រះរាជាណាចក្រកម្ពុជា កាលពីថ្ងៃទី២៩ ខែមិថុនា ឆ្នាំ២០២៤ កន្លងទៅ នេះ។ ពិធីនេះត្រូវបានអញ្ជើញចូលរួមជាអធិបតីដោយ លោក Shuzo Shikata ជាប្រធានក្រុមប្រឹក្សាភិបាល និងតំណាងភាគទុនិក អ្នកឧកញ៉ា លី សុភ័ក្ត ជាសមាជិកក្រុមប្រឹក្សាភិបាល ឧកញ៉ា លី សុភាព ជាសមាជិក ក្រុមប្រឹក្សាភិបាល និងតំណាងភាគទុនិក លោក ជា ផល្លារិន អគ្គនាយក នៃធនាគារ និងលោក Jody Aldridge ជាប្រធានផ្នែកអភិវឌ្ឍន៍អតិថិជន ប្រចាំនៅ Visa Cross Border Solutions។ ជាមួយនឹងបណ្ណវីសាពហុរូបិយប័ណ្ណថ្មី របស់ធនាគារ អេស ប៊ី អាយ លី ហួរ និងមានតែមួយគត់​នៅកម្ពុជា លោកអ្នកអាច ធ្វើដំណើរ [...]

សូមគោរពអបអរសាទរ ចំពោះ ឧកញ៉ា លី សុភ័ក្ត ជាសមាជិកក្រុមប្រឹក្សាភិបាលរបស់ ធនាគារ អេស ប៊ី អាយ លី ហួរ ក្នុងឱកាសត្រូវបាន ព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រ នៃ ព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ត្រាស់បង្គាប់ផ្ដល់គោរមងារ "អ្នកឧកញ៉ា" ដើម្បីចូលរួមចំណែកអភិវឌ្ឍន៍ប្រទេសជាតិបន្តទៀត ក្រោមការដឹកនាំរបស់រាជរដ្ឋាភិបាល។ សូមទេវតាឆ្នាំថ្មី ប្រទានពរជ័យដល់អ្នកឧកញ៉ា និង ក្រុមគ្រួសារ ជួបតែសុភមង្គល និងវិបុលសុខគ្រប់ប្រការ កុំបីឃ្លៀងឃ្លាតឡើយ។ សូមអបអរសាទរ និងគោរពជូនពរពី ធនាគារ អេស ប៊ី អាយ លី ហួរ។

សូមគោរពអបអរសាទរយ៉ាងក្រៃលែង ចំពោះ អ្នកឧកញ៉ា លី ហួរ ភាគទុនិក ធនាគារ អេស ប៊ី អាយ លី ហួរ ក្នុងឱកាសត្រូវបាន ព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រ នៃ ព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ត្រាស់បង្គាប់ផ្ដល់គោរមងារ "លោកអ្នកឧកញ៉ា" ដើម្បីចូលរួមចំណែកអភិវឌ្ឍន៍ប្រទេសជាតិបន្តទៀត ក្រោមការដឹកនាំរបស់រាជរដ្ឋាភិបាល។សូមទេវតាឆ្នាំថ្មី ប្រទានពរជ័យដល់ លោកអ្នកឧកញ៉ា និង ក្រុមគ្រួសារ ជួបតែសុភមង្គល និងវិបុលសុខគ្រប់ប្រការ កុំបីឃ្លៀងឃ្លាតឡើយ។ សូមអបអរសាទរ និងគោរពជូនពរពី ធនាគារ អេស ប៊ី អាយ លី ហួរ។

គណៈគ្រប់គ្រងទាំងអស់ របស់ ធនាគារ អេស ប៊ី អាយ លី ហួរ បានចូលរួមផ្តល់សេវាអតិថិជនដោយផ្ទាល់នៅតាមបញ្ជរធនាគារ កាលពីថ្ងៃទី២៦ ខែមេសា ឆ្នាំ២០២៤ នាពេលកន្លងមក ដើម្បីផ្សារភ្ជាប់ទំនាក់ទំនងការយកចិត្តទុកដាក់ និងការផ្តល់តម្លៃដល់អតិថិជនទាំងអស់ ដែលតួនាទីនេះមិនមែនផ្តល់ដោយបុគ្គលិកដែលបម្រើសេវាអតិថិជនផ្ទាល់នៅតាមបញ្ជរធនាគារតែមួយឡើយ។ ការផ្តល់សេវាអតិថិជន គឺជាការងាររបស់យើងទាំងអស់ដោយរាប់តាំងតួនាទីជាសន្តិសុខ បុគ្គលិកអនាម័យ រហូតដល់គណៈជាន់ខ្ពស់របស់ធនាគារ និងជាពិសេសទៀតនេះគឺ ដើម្បីចូលរួមអបអរសាទរ ទិវាពលកម្មអន្តរជាតិ ១ ឧសភា ឆ្នាំ២០២៤ ផងដែរ។ កម្មវិធីនេះមានការផ្តល់កិត្តិយសចូលរួមពីសំណាក់ លោក ជា ផល្លារិន អគ្គនាយក ធនាគារ អេស ប៊ី អាយ លី ហួរ រួមជាមួយគណៈគ្រប់គ្រងទាំងអស់ អញ្ជើញមកបម្រើសេវាអតិថិជនដោយផ្ទាល់ជូនដល់អតិថិជនដែលមកប្រើសេវានៅតាមបញ្ជរធនាគារ ប្រកបដោយការគោរព រួសរាយ រាក់ទាក់ និងការយកចិត្តទុកដាក់ខ្ពស់បំផុត ដែលបានប្រារព្ធឡើងនៅ សាខារាជធានីភ្នំពេញ និងតាមបណ្តាសាខានៅជាប់រាជធានីភ្នំពេញ របស់ធនាគារ អេស ប៊ី អាយ លី ហួរ។

រាជធានីភ្នំពេញ៖ កាលពីថ្ងៃទី២៨ ខែមេសា ឆ្នាំ២០២៤ ធនាគារ អេស ប៊ី អាយ លី ហួរ បានរៀបចំកម្មវិធីប្រកួតបាល់ទាត់ពានរង្វាន់ធនាគារ អេស ប៊ី អាយ លី ហួរ ឆ្នាំ២០២៤ សម្រាប់កុមារ​ និងយុវជន ដោយសហការជាមួយសាលាបង្វឹកបាល់ទាល់ SOLTILO FAMILIA SOCCER SCHOOL CAMBODIA ដែលបង្កើតឡើងដោយ លោក កៃស៊ូកិ ហុនដា (Mr. KEISUKE HONDA) ដើម្បីគាំទ្រវិស័យកីឡាបាល់ទាត់នៅព្រះរាជាណាចក្រកម្ពុជា។ ក្រុមកុមារ និងយុវជន អាយុក្រោម ៩ឆ្នាំ (U9) អាយុក្រោម ១១ឆ្នាំ (U11) អាយុក្រោម ១៣ឆ្នាំ (U13) អាយុក្រោម ១៥ឆ្នាំ (U15) និង អាយុក្រោម ១៧ឆ្នាំ (U17) ដែលសរុបទាំងអស់ជិត៤០០នាក់ ដែលមកពីសាលារៀនអន្តរជាតិ និងក្លឹបបាល់ទាត់កុមារជាច្រើននៅរាជធានីភ្នំពេញ បានចូលរួមក្នុងកម្មវីធីនេះ។ [...]

ធនាគារ អេស ប៊ី អាយ លី ហួរ និង វិទ្យាស្ថានខេមអេដ បានប្រកាស ចុះហត្ថលេខាលើ អនុស្សរណៈ នៃការយោគយល់គ្នា ក្រោមអធិបតីភាព លោក ជា ផល្លារិន អគ្គនាយក ធនាគារ អេស ប៊ី អាយ លី ហួរ និង លោក Casey Douglas Barnett នាយក វិទ្យាស្ថានខេមអេដ នៅព្រឹកថ្ងៃទី២៦ ខែកុម្ភៈ ឆ្នាំ២០២៤ នេះ ។ កិច្ចសហប្រតិបត្តិការនេះ នឹងផ្តល់នូវកម្ចីសិក្សាដោយគ្មានទ្រព្យធានាជាមួយ រយៈពេលកម្ចីវែង ជូនដល់សិស្ស-និស្សិត នៃវិទ្យាស្ថាន ខេមអេដ ដែលចង់សិក្សា ជំនាញដែលពេញចិត្ត ។

ធនាគារ អេស ប៊ី អាយ លី ហួរ បានឈ្នះនូវពានរង្វាន់ឈានមុខគេទាំង 3 ពីក្រុមហ៊ុន វីសា៖ ១. ពានរង្វាន់ឈានមុខគេ ខាងផ្នែកចេញប័ណ្ណឥណទានជូនអតិថិជន ឆ្នាំ២០២៣ ២. ពានរង្វាន់ឈានមុខគេ ខាងផ្នែកចេញប័ណ្ណឥណពន្ធដល់អតិថិជន ឆ្នាំ២០២៣ ៣. ពានរង្វាន់ឈានមុខគេក្នុងការអនុម័តឥណទានសម្រាប់ ការទូទាត់តាមប្រព័ន្ធអេឡិចត្រូនិក ឆ្នាំ២០២៣ ដូចដែលបានដឹងហើយថា ធនាគារ អេស ប៊ី អាយ លី ហួរ ជាធនាគារឈានមុខគេមួយនៅក្នុងប្រទេសកម្ពុជា ដែលតែងតែផ្តល់ជូននូវសេវាកម្មដ៏ប្រសើរ លក្ខណៈពិសេសប្រកបដោយភាពច្នៃប្រឌិត និងអត្ថប្រយោជន៍ផ្តាច់មុខគេដូចជា ការផ្តល់ជាសាច់ប្រាក់ត្រឡប់វិញ និងការផ្តល់ធានារ៉ាប់រងលើការធ្វើដំណើររហូតដល់ ១លានដុល្លារជាដើម និងការធានានូវប្រតិបត្តិការប្រកបដោយសុវត្ថិភាព និងការពេញចិត្តរបស់អតិថិជន ដោយការសម្របខ្លួនទៅនឹងនិន្នាការទីផ្សារ និងការប្រើប្រាស់បច្ចេកវិទ្យា។ ធនាគារបានប្រើការវិភាគទិន្នន័យកម្រិតខ្ពស់ សម្រាប់ការស្វែងរក និងការទប់ស្កាត់ការក្លែងបន្លំ ព្រមទាំងផ្តល់អាទិភាពដល់បទពិសោធន៍នៃអ្នកប្រើប្រាស់ដោយមិនទាមទារនូវព័ត៌មានសម្ងាត់របស់អតិថិជន។

នាព្រឹកថ្ងៃទី១៤ ខែកុម្ភៈ ឆ្នាំ២០២៤ នេះ បុគ្គលិក និងគណៈគ្រប់គ្រងនៅ ធនាគារ អេស ប៊ី អាយ លី ហួរ បានចូលរួមជាមួយមជ្ឈមណ្ឌលជាតិ ដើម្បីបរិច្ចាគឈាម ក្នុងឱកាស “ទិវានៃក្តីស្រលាញ់” ក្នុងបរិបទ “កាដូ នៃសេចក្តីស្រលាញ់ចេញពីបេះដូង។” ធនាគារ អេស ប៊ី អាយ លី ហួរ សូមសម្តែងនូវការគោរពដឹងគុណ ចំពោះលោកអ្នកដែលបានចូលរួមបរិច្ចាគឈាមទាំងអស់។ សេចក្តីសប្បុរសរបស់លោកអ្នក ដើរតួយ៉ាងសំខាន់ក្នុងការជួយជីវិត អ្នកជម្ងឺដែលកំពុងត្រូវការឈាម និងជួយពង្រឹងដល់ការផ្គត់ផ្គង់ឈាម ឲ្យបានគ្រប់គ្រាន់ក្នុងស្តុករបស់មជ្ឈមណ្ឌលជាតិផ្តល់ឈាម ព្រោះឈាមមិនមានរោងចក្រណាអាចផលិតបានឡើយ។