Khmer 
English ដំណើរនៃការដោះស្រាយបណ្តឹង
ជំហានទី ១ ៖ បណ្តឹងតាមរយៈការប្រាប់ផ្ទាល់មាត់
ប្រសិនបើលោកអ្នកមិនពេញចិត្តចំពោះផលិតផល ឬសេវាកម្មណាមួយរបស់ធនាគារអេស ប៊ី អាយ លី ហួរ ម.ក លោកអ្នកអាចធ្វើការទំនាក់ទំនងមកកាន់យើងខ្ញុំ តាមរយៈបណ្តាញដូចខាងក្រោម៖
១. អញ្ជើញមកផ្ទាល់តាមការិយាល័យសាខាដែលនៅជិតលោកអ្នកបំផុត ហើយដាក់ពាក្យបណ្តឹងដោយផ្ទាល់ជាមួយនឹងបុគ្គលិក ឬធ្វើការស្កេន QR Code។
២. ទំនាក់ទំនងមកផ្នែកទំនាក់ទំនងអតិថិជន (Call Center ) តាមរយៈលេខទូរស័ព្ទ៖ ០២៣ ៩៨០ ៨៨៨ / ០៩៣ ៦៧ ១១១១
៣. អាចផ្ញើជាសារមកកាន់ក្រុមការងាររបស់យើងខ្ញុំតាមរយៈ Facebook Page និង Telegram របស់ធនាគារ។
ជំហានទី ២៖ បណ្តឹងជាលាយលក្ខណ៍អក្សរ
ក្នុងករណីបើលោកអ្នកនៅតែមិនពេញចិត្ត ក្នុងដំណើរការដោះស្រាយណាមួយដែលបានផ្តល់ជូន លោកអ្នកអាចធ្វើការកត់ត្រាបណ្តឹងតវ៉ា និងការមិនពេញចិត្តតាមរយៈទម្រង់ខាងក្រោម ឬបំពេញក្នុងទម្រង់ឯកសារនៃការដាក់ពាក្យបណ្តឹងជាលាយលក្ខណ៍អក្សរ នៅតាមសាខានានាដែលនៅជិតលោកអ្នកបំផុតរបស់ ធនាគារ អេស ប៊ី អាយ លី ហួរ ម.ក។
លោកអ្នកក៏អាចធ្វើការដាក់ពាក្យបណ្តឹងជាលាយលក្ខណ៍អក្សរ តាមរយៈសារអេឡិចត្រូនិច ៖ [email protected]
*** រាល់បណ្តឹងដែលទទួលបាន យើងខ្ងុំនឹងដោះស្រាយជូនក្នុងរយៈពេលយ៉ាងយូរបំផុត ០២ (ពីរ)ថ្ងៃ នៃថ្ងៃធ្វើការ។ ក្នុងករណីបណ្តឹងពាក់ព័ន្ធ និងបញ្ហាធ្ងន់ធ្ងរផ្នែកហិរញ្ញវត្ថុ បញ្ហាជាប្រព័ន្ធ ឬបញ្ហាផ្នែកច្បាប់ណាមួយធនាគារ អេស ប៊ី អាយ លី ហួរ ម.ក និងធ្វើការស៊ើបអង្កេតទៅលើបណ្តឹងតវ៉ាក្នុងរយៈពេលអតិបរមា ៣០ (សាមសិប) ថ្ងៃប្រតិទិន បន្ទាប់ពីកាលបរិច្ឆេទទទួលបានពាក្យបណ្តឹង នឹងធ្វើការជូនដំណឹងទៅកាន់អតិថិជនវិញពីដំណោះស្រាយបន្ទាប់ពីការស៊ើបអង្កេតត្រូវបានបញ្ចប់។
យើងខ្ញុំរង់ចាំស្វាគមន៍ទទួល និងយកចិត្តទុកដាក់ដោះស្រាយបញ្ហាជូនលោកអ្នកគ្រប់ពេលវេលា!
ទម្រង់បែបបទអំពីបណ្តឹងតវ៉ា និងការមិនពេញចិត្តរបស់អតិថិជន
ករណីលោកអ្នកមិនបានបំពេញ ឈ្មោះ អាសយដ្ឋាន លេខទូរស័ព្ទ ឬ អ៊ីម៉ែល ឱ្យបានច្បាស់លាស់ទេ បណ្តឹងនេះត្រូវបានចាត់ទុកជាមោឃៈ ។
