ធនាគារជាតិនៃកម្ពុជា និង ធនាគារ អេស ប៊ី អាយ លី ហួរ បានរៀបចំកិច្ចប្រជុំពិភាក្សា ស្តីពី បរិយាបន្នហិរញ្ញវត្ថុ និងការលើកកម្ពស់ប្រាក់រៀល​

នៅថ្ងៃទី១៩ ខែកុម្ភៈ ឆ្នាំ២០២៥ ធនាគារជាតិនៃកម្ពុជា និង ធនាគារ អេស ប៊ី អាយ លី ហួរ បានរៀបចំកិច្ចប្រជុំពិភាក្សា ស្តីពី បរិយាបន្នហិរញ្ញវត្ថុ និងការលើកកម្ពស់ប្រាក់រៀល​ នៅការិយាល័យកណ្តាលរបស់ធនាគារ អេស ប៊ី អាយ លី ហួរ ម.ក.។

កិច្ចប្រជុំនេះបានធ្វើឡើងក្រោមអធិបតីភាពរបស់ ឯកឧត្តម យឹម លាត ទេសាភិបាលរង ធនាគារជាតិនៃកម្ពុជា និង គណៈគ្រប់គ្រងជាន់ខ្ពស់របស់ ធនាគារ អេស ប៊ី អាយ លី ហួរ។

កិច្ចប្រជុំបានផ្តោតលើការពិភាក្សា ស្វែងយល់បន្ថែមនៃការអនុវត្តរបស់ធនាគារ លើការងារបរិយាបន្នហិរញ្ញវត្ថុ និងការលើកកម្ពស់ការប្រើប្រាស់ប្រាក់រៀល ដើម្បីជំរុញការអនុវត្តការងារប្រកបដោយគុណភាព និងប្រសិទ្ធភាព។

គួររំលឹកផងដែរថា ធនាគារ អេស ប៊ី អាយ លី ហួរ ផ្តល់ជូនអត្រាការប្រាក់ខ្ពស់ ៣%ក្នុងមួយឆ្នាំ សម្រាប់ការបើកគណនីសន្សំជាប្រាក់រៀល នៅ
តាមការិយាល័យសាខាធនាគារទូទាំងប្រទេស ដែលនៅជិតលោកអ្នកបំផុត។